Traust og góð rannsóknarnefnd

Ég hef þá trú að rannsóknarnefnd Alþingis sé afskaplega vel mönnuð og eigi eftir að skila góðu starfi. Það er algjör óþarfi að níða niður þessa nefnd, fyrir það eitt að seinkun hafi orðið á skýrslunni. Þar hljóta að hafa verið gildar ástæður, enda verkið afar umfangsmikið.

Það sem þeir hafa sjálfir sagt um efni skýrslunnar, gefur til kynna að ýmislegt bitastætt verði í skýrslunni og að ekki verði um neinn kattarþvott að ræða. Það þjónar eingöngu hagsmunum þeirra, sem brugðust við landsstjórnina, að nefndin og hennar störf séu töluð niður.

Senda út athugasemdabréf

Ekki til vinsælda fallið að setja Sóleyju Tómasdóttur í 1. sætið

Sóley Tómasdóttir er eflaust ágætis manneskja, en hún stendur bara fyrir eitt málefni. Hún svo öfgafull í þessu eina málefni, að hún fælir fólk hreinlega frá VG.

Valið mun því líklega standa milli Samfylkingar eða Besta flokksins í vor.

Reyndar er mögulegt að Frjálslyndi flokkurinn komi með framboð og/eða Ólafur F. Magnússon. Ólafur er í mörgum málefnum með afskaplega góða stefnu, sérstaklega varðandi húsfriðun. Persónulega vil ég friða allt 101 svæðið.

Númer eitt er að íhaldið bíði afhroð. Það eiga þeir skilið.

Góð uppskrift að kosningasigri í vor

Dónaskapur hjá Vigdísi Hauksdóttur

Vigdís Hauksdóttir er að sjálfsögðu á þingi fyrir hinn ömurlega spillingar- og sukkflokk, Framsóknarflokkinn.

Hún líkir forsætisráðherra við einræðisherra. Það verður að teljast einstakur dónaskapur.

Hvernig væri að mynnast þess, að það þurfti að grátbiðja Jóhönnu Sigurðardóttur um að taka við forsætisráðherraembættinu.

Það er ekki beinlínis háttur einræðisherra, að láta ganga á eftir sér til að taka við völdum.

Listakona frá Úkraínu túlkar hernámið

Kseniya Simonova vann keppnina Ukraine's got talent með listrænum gjörningi.

Um er að ræða listaverk sem hún mótar með sandi á glerplötu.

Í þessu tilfelli segir hún sögu hernáms Úkraínu á stríðsárunum.

Enn einn brotamaðurinn í þingflokki Sjálfstæðismanna. Líklegt að þingflokksfundir verið í framtíðinni haldnir að Kvíabryggju.

Nú hefur enn einn brotamaðurinn verið afhjúpaður innan þingflokks Sjálfstæðismanna.

Tryggvi Þór Herbertsson lánaði sjálfum sér í gegn um einkahlutafélag sitt Varnagla ehf. Menn komast ekki fram hjá lögunum með því að hafa lánastarfsemi sem einn af tilgangi félagsins, því eins og Tryggvi benti sjálfur á, þá er lánastarfsemi skráð sem einn að tilgangi flestra félaga. Lögin væru því marklaus ef svona auðvelt væri að komast fram hjá þeim.

Að því leiti er Tryggvi ómerkilegri en Ásbjörn Óttarsson, að hann reynir að réttlæta þennan ólögmæta gjörning og segir hann lögmætan.

Líklegt má telja, að framtíðar fundarstaður þingflokks Sjálfstæðisflokksins sé að Kvíabryggju.

Réðu kúludrottningu yfir Bankasýslu ríkisins

Hvernig datt þeim í hug að ráða kúludrottningu yfir Bankasýslu ríkisins?

Það var margt afbragðs fólk í boði, til dæmis Vilhjálmur Bjarnason.

Af hverju er hann alltaf hunsaður?

Þessir sóttu um: Birgir Örn Gunnarsson, Conor Byrne, Elín Jónsdóttir, Gísli Jafetsson, Guðmundur Franklín Jónsson, Halldór Eiríkur S. Jónhildarson, Ingólfur Guðmundsson, Ingólfur V. Guðmundsson, Íris Björk Pétursdóttir, Jakobína Ingunn Ólafsdóttir, Jóhannes Ágústsson, Már Wolfgang Mixa, Ólafur Örn Ingólfsson, Viðar Kárason, Vilhjálmur Bjarnason.

Ég held að manneskjan hafi engan trúverðugleika. Hún er með risakúlulán upp á 125 milljónir sem lendir á þjóðinni að borga.

Þegar ég heyri fréttir af Bankasýslu ríkisins, þá heyri ég ekki fréttina, því þessi staðreynd er svo truflandi.

Ef hún á að halda þarna áfram, þá skal hún borga þetta kúlulán sitt. Annað gengur ekki.

Hafið þér talað við kommúnista?

Það er vissulega svolítið gaman af því, hvernig allt hefur snúist á hvolf á aðeins rúmu ári.

Nú er fyrrverandi ríkissaksóknara stillt upp, nánast eins og glæpamanni.

Sjálfur hef ég alltaf haft hálfgerða skömm á þessu framapotsliði, þannig að maður grætur það ekki beinlínis hvernig komið er fyrir sumum.

Hitt er annað, að þetta getur gengið of langt og orðið nánast að ofsóknum í anda McCarthy.

Ég á til dæmis frekar erfitt með að fella áfellisdóm yfir Boga Nilssyni, enda var hann hættur störfum þegar hann þáði boð um utanferð með sonum sýnum í einkaþotu.

Hver er eiginlega glæpurinn?

Aftur á móti hefur verið sérlega gagnrýnivert, að æðstu embættismenn landsins hafa gegn um tíðina verið innmúraðir í íhaldsklíkuna. 

Bogi meðal farþega í einkaþotum

Bíll sem gengur fyrir lofti

Hvenær fær maður sér vindmyllu á þakið á húsinu, sem maður notar til að framleiða þrýstiloft á kúta?

Síðan setur maður þrýstiloftið á bílinn og keyrir frítt.

 

Bjarna Ben er fjarstýrt

Bjarna Ben er fjarstýrt úr Hádegismóum.

Það sést á því að nú hefur hann tekið enn einn snúninginn í Icesave málinu samkvæmt fyrirmælum Hádegismóastjórans.

Fyrst var hann á móti dómstólaleið og sagði: "Ég held að það sé afskaplega mikil einföldun á þessu máli öllu saman að telja það í raun og veru að það hafi verið valkostur fyrir íslensk stjórnvöld að standa stíf á lögfræðilegri túlkun og halda henni til streitu, jafnvel fyrir dómstólum, hvort sem það væri á alþjóðlegum vettvangi eða hér heima fyrir íslenskum dómstólum."

Þá vildi hann fara samningaleið.

Síðan vildi hann fara dómstólaleiðina.

Svo vildi hann halda þjóðaratkvæðagreiðslu.

En þegar forsetinn synjaði lögunum staðfestingar var hann á móti þjóðaratkvæðagreiðslu en vildi fara samningaleið.

Nú vill hann allt í einu fara dómstólaleiðina. Það stemmir við boðskapinn frá Hádegismóum, samanber grein Jóns Steinars og Sigurðar Líndal.

Alveg er ég handviss um, að nú er síminn rauðglóandi til Bjarna og honum fyrirskipað að gefa ekkert eftir. Það er lífsspursmál fyrir niðurrifsöflin að viðhalda Icesave smjörklípunni.

Utan til funda vegna Icesave

Ríkisstjórnin setji bráðabirgðalög um nýjan Icesave samning

Stjórnarandstaðan gerir ekkert annað en þvælast fyrir í Icesave málinu og öðrum málum. Þau hafa haft ríkisstjórnina og þingið í gíslingu í næstum ár.

Nú er neyðarástand og ekki hægt að umbera þetta háttarlag stjórnarandstöðunnar öllu lengur.

Ríkisstjórnin þarf taka málin í sínar hendur og stjórna af röggsemi með bráðabirgðalögum meðan þingið er í fríi. 

Afturkalla þarf lögin sem forsetinn synjaði. Ná samningi við Breta og Hollendinga um betri vaxtaprósentu og annað sem þeir eru til í að koma til móts við okkur með.

Setja þarf bráðabirgðalög um nýjan Icesave samning og freista þess að forsetinn skrifi undir.

Gangi þetta ekki eftir, getur ríkisstjórnin sagt af sér með fullum sóma og boðað til nýrra kosninga.

Til í að fresta skýrslunni fram yfir kosningar